પત્ની : રસોડામાંથી બટાકુ લઇ આવો, પતિ : અહીં તો ક્યાંય બટાકુ દેખાતું નથી, પત્નીએ જે જવાબ એ વાંચીને તમને ૩ દિવસ સુધી હસવું આવશે

જોક્સ-૧

સાસુ વહુને (વટમાં) : “મારો દીકરો જ્યારે પેટમાં હતો ત્યારે હું જે જે વસ્તુઓ ખાતીએ બધું જ મારા દીકરાને આજે બહુ ભાવે છે.”
વહુ (નિર્દોષતાથી) : “એ બધું બરોબર છે મમ્મીજી, પણ માવા ખાવાનું ટાળ્યું હોત તો સારું હતું.”

જોક્સ-૨
અલ્યા ચિનુ ભાઇ, આ તમારી ભેંસના ૬૦,૦૦૦ રૂપિયા? આટલા બધા વધારે હોતા હશે! જુઓને, એની એક આંખ પણ નથી.
અલ્યા ભાઈ મુખી, તમારે ભેંસ પાસેથી દુધ લેવાનું છે કે ભરતકામ કરાવવાનું છે?’ ભેંસના માલિક ચિનુભાઇએ કહ્યું.

જોક્સ-૩
પતિ : તારી બેનપણીને રંગ લગાવું
પત્ની : મને કેમ નહી મારી બેનપણીને શા માટે ?
પતિ : અરે, સ્વીટી તારી સ્કીન ખરાબ થઈ જશે
પત્ની : ઓહ, સો સ્વીટ.

જોક્સ-૪
પત્ની : રસોડામાંથી બટાકુ લઇ આવો.
પતિ : અહીં તો ક્યાંય બટાકુ દેખાતું નથી.
પત્ની : તમે તો છો જ આંધળા, તમે કામચોર છો, એક કામ સારી રીતે નથી કરી શકતા, મને ખબર હતી કે તમને નહિ મળે, એટલે હું પહેલાથી લઈને આવી હતી. હવે આમાં પતિની કોઈ ભૂલ હોય તો જણાવો.

જોક્સ-૫
એક વાર બસના કંડક્ટરે રાજુને પુછ્યું, તું દરરોજ દરવાજા પાસે જ કેમ ઉભો રહે છે, તારો બાપ ચોકીદાર છે કે શું?
રાજુ ઘણો મસ્તી ખોર હતો. તે બોલ્યો : તું હંમેશા મારી પાસે કેમ પૈસા માંગતો રહે છે, તારો બાપ ભિખારી છે કે શું?

જોક્સ-૬
પોતાના પલંગ પર ગરોળી દેખાય તે કોઈ મોટી સમસ્યા નથી. મોટી સમસ્યા તો ત્યારે શરુ થાય છે, જ્યારે તે ગયાબ થઈ જાય, અને ક્યાય પણ ના દેખાય. “હાહરી ગઈ ક્યા?”

જોક્સ-૭
પપ્પુ એક રેસ્ટોરન્ટમાં ખાવા માટે ગયો.
મહિલા વેટર : સર, શું લેશો તમે?
પપ્પુ : તમારો નંબર.
પછી શું હતું ખાવાનું તો મળ્યું નહિ ઉપરથી સ્ટાફ વાળાએ તેની ધોલાઈ કરી તે અલગ.

જોક્સ-૮
કામથી પરેશાન એક ડિઝાઈનર કંપનીના ટોઈલેટમાં ગયો. અંદર જઈને બેઠો હતો કે અચાનક સામેની દિવાલ પર નજર પડી. સામેની દિવાલ પર લખ્યુ હતુ. ”આટલુ જોર પોતાના કામ પર દે તો તે કામ પુરુ થઈ જાત.”

• જોક્સ-૯
  એક શહેરમાં કલેકટરના ઘરની સામે એક તલાટીએ ઘર ખરીદી લીધું. બંનેને બે બે બાળકો હતા.
• એક દિવસ શેરીમાં આઈસ્ક્રીમ વેચવા વાળો આવ્યો તો તલાટીના બાળકોએ કહ્યું કે અમારે આઈસ્ક્રીમ ખાવી છે.
• તલાટીએ તરત ૨૦ રૂપિયા આપ્યા અને કહ્યું જાવ ખાઈ લો.
• આઈસ્ક્રીમ વાળો કલેકટરના ઘર સામે પહોંચ્યો તો તેના બાળકોએ પણ આઈસ્ક્રીમ ખાવા માટે કહ્યું. કલેકટર બોલ્યા બાળકો તે ખરાબ હોય છે, સારી નથી હોતી, બીમાર પડી જશો.
• બાળકો બિચારા દુઃખી થઇને બેસી ગયા.
• બે દિવસ પછી દાણા ચણા વાળો શેરીમાં આવ્યો. ફરી તલાટીના બાળકોએ દાણા ચણા ખાવાની ઈચ્છા દર્શાવી, તો તલાટીએ તરત ૨૦ રૂપિયા આપ્યા અને બાળકોએ દાણા ચણા ખાધા.
• હવે દાણા ચણા વાળો કલેકટરના ઘર પાસે પહોંચ્યો તો તેના બાળકોએ પણ દાણા ચણા ખાવાની જિદ્દ કરી. કલેકટરે કહ્યું કે દીકરાઓ આની ઉપર ધૂળ લાગેલી હોય છે, તેનાથી રોગ થઇ જાય છે.
• બાળકો ફરી મોઢું ચડાવીને બેસી ગયા.
• થોડા દિવસો પછી શેરીમાં મદારી આવ્યો જે વાંદરો નચાવી રહ્યો હતો.
• તલાટીના બાળકોએ કહ્યું કે અમારે વાંદરા સાથે રમવું છે. તલાટીએ મદારીને ૫૦ રૂપિયા આપ્યા અને થોડી વાર બાળકોને વાંદરા સાથે રમવાનું કહી દીધું. બાળકો ખુશ.
• હવે કલેકટરના બાળકોએ પણ કહ્યું કે, અમારે પણ વાંદરા સાથે રમવું છે. તો કલેકટર બોલ્યા અરે કેવી ગંદી વાત છે. વાંદરા જનાવર છે, કરડી લે છે. એ કોઈ રમવાની વસ્તુ છે?
• બાળકો બિચારા ફરી ચુપ ચાપ બેસી ગયા.
• થોડા દિવસો પછી કલેકટરે પોતાના બાળકોને પુછ્યું કે, તમે મોટા થઈને શું બનવા માંગો છો?
• તો બાળકોએ ફટાકથી જવાબ આપ્યો, “તલાટી.”